Hoxe tiven a sorte de poder participar no ciclo de conferencias e obradoiros que se estan desenvolvendo na Escola de Artes de Almería, Work[in]progress para facerlles chegar a nosa experiencia en Algueirada, a importancia que ten na nosa vida esa cultura compartida que chamamos «ética hacker», e o que pode significar para os futuros artesáns que alí se estan formando.

A presentación é só unha escolla de palabras clave e fios condutores, pero deu para máis de dúas horas de conversa, e o convite para dentro de dúas semanas no obradoiro de «computación física» no que tentaremos introducir os primeiros pasos do traballo co Arduino.

Parece que o cerne do hacklab que andabamos a matinar vai xermolando. Non todo van ser patacas e grelos…

recepción nos medios:

• Diario de Almería,
• Asociación de Prensa.
• unha nota, n’olevantadordeminas.
• unha entrevista a Ismael Olea (cofundador) no programa Dias de Radio, de Candil Radio. (audio: ASINTAL – HACKLAB ALMERIA – 26 ABRIL 2012, entre el minuto 10:40 y el 24:38)