Xa podes empregar o telemobil para escribir no teu blogue de blogaliza.org!!!
Despois de varios meses de investigación, e moitas horas en branco (e en negro), achegamos unha solucion sinxela, e de mui baixo custe tanto para os usuarios como para o sistema, que vai permitir que fagamos apuntes no noso blogue estando en -case- calquera sitio. Calquera sitio a onde chegue a rede mobil. Calquera sitio onde o noso telefono teña cobertura.
Só precisamos ter un blogue en blogaliza.org, e solicitar ao administrador a activación desta característica, para comezar a publicar dende calquera momento e lugar. Tamén teremos que introducir un número de mobil nun novo formulario do menú Opcións (MoBlogaliza), e xa estaremos preparados.
Os SMS teñen que comezar coa palabra “BLOG” seguida dun espazo, e o texto que queiramos publicar. Os SMS chegan a un terminal (que ten o número 664505999) que os procesa e os reenvia cara ao servidor de blogaliza, onde se verifica o mobil de orixe e, en caso de existir, introdúcese a anotación no blogue correspondente. O modelo de seguridade do procedemento basease na identificación do mobil remitente. O custe das mensaxes é o custe dun SMS normal e corrente (depende do operador).
As anotacións enviadas por este procedemento aparecerán tituladas como MOBLOG, e sairán publicadas uns minutos despois de seren enviadas.
Este sistema, irman do que xa esta a funcionar en chuza!, ainda ten algunhas melloras por facer, polo que ainda esta en estado “beta”.
Category: Sen clasificar |
Tags:
Comments
This entry was posted on Domingo, Novembro 11th, 2007 at 6.10 pm and is filed under Sen clasificar. You can follow any responses to this entry through the RSS 2.0 feed. You can leave a response, or trackback from your own site.
Imaxino que comparte código e sistema cos chíos móbiles. Polo de pronto achego unha cuestión: a min non me funciona o sistema, porque mandei 2 SMS desde un terminal Vodafone con contrato de empresa e non apareceron os chíos correspondentes.
Polo demais, noraboa por tirar para adiante das propias ideas até facelas realidade.
Blogaliza Móbil…
Goretoxo desenvolveu unha extensión para wordpress que permite publicar anotacións nos blogs de Blogaliza que o solitaren usando unha mensaxe SMS. Deste xeito complétase o desenvolvemento do sistema que tamén servíu para mandar Chíos a Chuza a tr…
imaxina vostede ben, calidonia. o sistema emprega a mesma infraestructura ca o de chuza!… e pola probas feitas hai unhas semanas penso que pode aturar unha carga de ata 50 sms por minuto…
sobre o problema que tinha vostede para enviar chios, xa esta amanhado: o erro estaba na propia axenda do terminal mobil, que o tinha a vostede identificado, e cando tocaba identificar o seu numero mobil no sistema remoto (chuza) a cadea “nome apelido” non era valida…
[…] Ben, Pedro Silva, creador de Blogaliza e gran amigo comenta no seu blogue a inclusión da posibilidade de poder publicar nos blogues de Blogaliza vía un SMS a un número corrente, por tanto cun custo de 0,15€. ¿Fantástico, non? […]
O sistema permite incluir ligazóns?
o que metas no sms vai aparecer “talcual” no texto da anotacion…
ainda que hai problemas cos caracteres acentuados, e tal…
(certo, estamos en beta permanente)
[…] A historia ven de aquí: http://demares.blogaliza.org/2007/11/11/blogaliza-mobil/ Powered by BlinkList […]